الازهر
| ||||
|---|---|---|---|---|
 | ||||
| البلد |  | |||
| الطراز | عماره اسلاميه | |||
| بيتسع لـ | 20000 | |||
| أسسه | المعز لدين الله | |||
| إحداثيات | 30°02′45″N 31°15′46″E |
|---|---|
الجامع الازهر، القاهرة، مصر، بناه جوهر الصقلى قائد المعز لدين الله الفاطمى سنة 970، و أقيمت به اول صلاة جمعه سنه 972. عند بناءه كان يتكون من تلاته أيوانات حول الصحن، وكان اكبرها أيوان القبله، و كان به خمس أروقة. وعلى مر السنين والعهود تمت فيه بعض الزيادات، أهمها فى عصر الدوله المملوكيه. مساحته الآن حوالى 12.000 م مربع. للجامع ثمانية أبواب تمن أبواب.
شيد الجامع الازهر فى الاصل للصلاة ، واقتصرت فى اول الامر الحلقات الدراسيه المقامة به على الدعايه للحكم الفاطمى و نشر الفقه الشيعى. كان الوزير ابن كلس من الاوائل اللى درسوا فيه، وعين به 37 فقيهاً للتدريس و خصص ليهم مرتبات شهرية ومنحهم سكناً.
بنى الفاطميون الجامع الازهر لكي يكون جامعاً جامعاً فى عاصمتهم الجديدة. حيث كان فى مصر آنذاك جامعان جامعان هما جامع عمرو بن العاص فى الفسطاط و جامع احمد بن طولون فى القطائع ، و كان هناك جامعاً جامعاً تالتاً فى العسكر لكن وقتها كان أطلالاً. هدف الفاطميين من بنا الازهر جنب عادة بنا المساجد الجامعه فى العواصم الجديده و انه يكون مكان يصلى فيه الخليفه و العسكر انه يكون كمان مركز لنشر مذهبهم الشيعى و رمز لانتصارهم على الدوله العباسيه. ابتدا بنا الازهر فى ابريل 970م و خلص بناه فى سنتين و تلت تشهر و اتفتح للصلا لاول مره يوم الجمعه 21 يونيه سنه 972م ( 7 رمضان 361هـ ). فى الاول ماكانش اسمه الجامع الازهر لكن " جامع القاهره " و ده كان اسمه الغالب تقريباً طول العصر الفاطمى ، و بيتقال انه اتسمى الجامع الازهر فى عهد العزيز بالله اللى بنى قصور اتسمت " القصور الزاهره " فسمو جامع القاهره " الازهر " ، لكن الارجح انه اتسمى نسبه للسيده فاطمة الزهراء اللى اتنسب اسم الدوله الفاطميه ليها.
فى البدايه الازهر كانت صفته دينيه زى المساجد الجامعه الثانيه لكن بعدها اخد صفه علميه تعليميه ، وحصل ذلك منذ قرر الفاطميون نشر مذهبهم عن طريق التدريس فى حلقاته و بقيت الصفه التعليميه للازهر سائده طول العصر الفاطمى .[1]
بعد ما قضى صلاح الدين الأيوبي (1137 - 1193) على الدوله الفاطميه و حول مصر للمذهب السنى سنه 1171، اتوقفت صلاة الجمعه فيه لغاية ما رجعها السلطان الظاهر بيبرس (حكم 1260 - 1277) .[2]
فضلت الدراسه فى الجامع الازهر بنظام الحلقات حوالين الشيخ المدرس لغاية ما صدر اول قانون للازهر سنه 1872 بينظم طريقة اللحصول على شهادة العالميه و درجاتها. فى زمن محمد عبده (مفتى مصر مش شيخ الازهر) اتعملت فى الازهر لجنة اداره دايمه عشان تشرف على التدريس و نظام الأروقه. و فى سنه 1896 صدر قانون كساوى العلما و درجاتهم، و بعد كده اتعملت لايحة مرتبات، و اتنظمت شئون الاساتذه و الطلاب. اتضافت للمناهج مواد جديده زى الأخلاق و الحساب و الجبر و الهندسه و التاريخ الاسلامى، و تقويم البلدان. و فى سنه 1911 صدر قانون ينظم الدراسه فى مراحل، لكل منها نظام، و مواد تعليميه خاصه بيها. فى سنه 1930، وقت الشيخ المراغى، صدر قانون مهم حول الازهر لجامعه اسلاميه. و اتطورت الدراسه فيه بقوانين 1936 و 1937 و 1938 وكان الازهر جامع شيعي علشان كان معمول ايام اهر ملك فاطمي و الفاطميين شيعه ولكن لما صلاح الدين شاله بقا الازهر جامع لنشر المذهب السني بدل الذهب الشيعي.
جامعة الازهر
فى سنه 1961 صدر قانون تطوير الازهر اللى نظم المعاهد الدينيه، و الدراسات العاليه فى كلياته التلاته: اصول الدين، و الشريعة، و اللغه العربيه. و بمقتضى القانون ده اتعملت كليات جامعيه مدنيه جنب التلت كليات الدينيه.
بيتبع الازهر معاهد ابتدائيه و اعداديه و ثانويه. وبييجى لجامعة الازهر طلاب من برا مصر من دول كتيره عشان يدرسوا.
الازهر، زائد انه جامعه، مؤسسه دينيه مهمه، وشيخ الازهر منصب مهم جدا فى الحكومه المصريه و بتعينه هيئة كبار العلماء فى الوقت الحالى عشان يكون مستقل عن السلطة التنفيذية في البلد ، شيخ الازهر الحالي هوه فضيلة الامام الاكبر احمد محمد الطيب. الازهر كجامع يتبع وزارة الأوقاف مش مشيخة الازهر، و مقر الجامعه فى مدينة نصر و الدراسة.
من أشهر شيوخ الازهر
حسونة بن عبد الله النواوى، (1909)، و محمد مصطفى المراغى (1928 - 1930) و (1935 - 1945)، و مصطفى عبد الرازق (1945 - 1947)، و محمود شلتوت (1958 - 1963)، و محمد سيد طنطاوى (1996-2010). شيخ الازهر الحالى هوه الدكتور احمد محمد الطيب.
الثانوية الأزهرية تهدف وزارة الأزهر الشريف الى تدريس مناهج الثانوية الأزهرية للطلاب الراغبين في ذلك، وتنقسم الى تلاتهة أقسام، هبه القسم العلمي والقسم الأدبي والشريعة الاسلامية، وتظهر نتيجة الثانوية الأزهرية 2017 في منتصف شهر 7 من كل سنه. تهدف وزارة الأزهر الشريف الى تدريس مناهج الثانوية الأزهرية للطلاب الراغبين في ذلك، وتنقسم الى ثلاثة أقسام، هي القسم العلمي والقسم الأدبي والشريعة الاسلامية، وتظهر نتيجة الثانوية الأزهرية 2017 في منتصف شهر 7 من كل عام.
فهرست وملحوظات
مراجع
- جمال الدين الشيال (استاذ التاريخ الاسلامي): تاريخ مصر الاسلامية ( جزئين )، دار المعارف، القاهرة 1966.
- المقريزي: السلوك لمعرفة دول الملوك (8أجزاء)، دار الكتب، القاهرة 1996.
- المقريزى: المواعظ و الاعتبار بذكر الخطط والآثار (4 اجزاء)، مطبعة الادب، القاهرة 1968.
- الموسوعة الثقافية، مؤسسة فرانكلين للطباعة والنشر، القاهرة - نيو يورك
ليست هناك تعليقات:
إرسال تعليق